Məlum olduğu kimi, ölkə ərazisində karantin rejiminin gücləndirilməsi ilə bağlı “Bakı Metropoliteni”nin iş saatları da azaldılıb. Bu da metronun girişində sıxlığın yaranmasına səbəb olub. 

Sərnişinlər bunu metronun iş saatının 07:00-da başlaması ilə əlaqələndirirlər. Belə ki, onların sözlərinə görə, bir çox iş yeri saat 08:00-da açıldığı üçün metroya tez minmək uğrunda sanki yarış gedir. 

Xatırladaq ki, koronavirus infeksiyasının yayılmasının, onun törədə biləcəyi fəsadların qarşısının alınması məqsədilə Nazirlər Kabinetinin qərarı ilə martın 29-dan etibarən Bakı metrosunun iş vaxtı beş saata endirilərək, səhər saat 07:00-dan 09:00-dək, axşam isə 17:00-dan 20:00-dək müəyyən edilib.