Azərbaycanın hüquq-mühafizə orqanları Ağstafa rayon icra hakimiyyətinin başçısı Nizaməddin Quliyevi həbs edib. Əməliyyat zamanı onun müavini Ramiz Tatarov da saxlanılıb. Hazırda onların mənzillərində axtarışlar aparılır.

Nizaməddin Quliyev bundan əvvəl Goranboy rayon İcra Hakimiyyətinin başçısı idi və cəmi bir neçə ay əvvəl-2019-cu ilin aprelində onun yeri dəyişdirilərək Ağstafa rayonuna başçı təyin edilmişdi.

Bildirilir ki, N.Quliyev dünən axşam saatlarında Dövlət Təhlükəsizlik Xidməti əməkdaşları tərəfindən rüşvət alarkən cinayət başında yaxalanıb. Hazırda DTX-da saxlanılan başçının ətrafında axtarış və araşdırmalar davam etdirilir. Gün ərzində hadisəylə bağlı rəsmi açıqlama veriləcək.