Bəzi xarici internet media resurslarında ABŞ tərəfindən İsrail dronlarının Azərbaycana gətirilərək İraq və İrana hücum edilməsi barədə verilən məlumatın heç bir əsası yoxdur, yalandır və dezinformasiya məqsədilə ilə yayılıb.

Bu barədə Müdafiə Nazirliyindən məlumat verilib.

Qeyd edək ki, bir sıra xarici KİV-də "ABŞ İraqa hücum etmək üçün İsrail dronlarını Azərbaycana daşıyır" başlıqlı məlumatlar yayılıb.

Məlumata görə, Haşd əl-Şaabi (Xalq səfərbərlik bölmələri) komandiri Əbu Mehdi Əl-Mohandis ABŞ-ı İsrail dronlarını İraq və İrana hədəf almaq üçün Azərbaycana yeritməkdə günahlandırıb.