İtaliya hökuməti Trans-Adriatik Qaz Kəmərini (TAP) təsdiq edib.

Hökumət TAP-ın Apuliya regionunda yerləşən Melendunyo şəhəri yaxınlığından keçməsinə razılıq verib. Bununla bağlı qərarda bildirilir ki, hökumət enerji resurslarının şaxələndirilməsinin və yeni enerji dəhlizinin açılmasının zəruriliyini nəzərə alaraq bu qaz kəmərinin vacibliyini bir daha təsdiq edir. Eyni zamanda İtaliya hökuməti ətraf mühitin qorunması istiqamətində bütün lazımi tədbirlərin görüləcəyini vurğulayıb.

TAP layihəsi Azərbaycan qazını İtaliyaya və oradan Avropaya nəql edəcək.