Bu gün qadın voleybolçular arasında Yüksək Liqada 2024-2025-ci illər mövsümünün qalibi məlum olacaq.

İkinci final qarşılaşmasında “Abşeron” və “Azərreyl” komandaları üz-üzə gələcək. Milli Gimnastika Arenasında reallaşacaq həlledici oyun saat 15:00-da başlayacaq.

İlk görüşdə “Abşeron” 3:0 hesablı qələbə qazanıb.

Qeyd edək ki, reqlamentə görə, qalib iki oyunun nəticəsinə əsasən müəyyən olunacaq. İki qarşılaşmadan sonra tərəflər hərəyə bir qələbə qazanarlarsa (xallar da bərabər olarsa), “qızıl set” oynanılacaq.