Son günlərdə koronavirusa yoluxmaların sayının artması ölkəmizdə də epidemioloji vəzityyətin gərginləşməsi üçün zəmin yaradır.

Bunu Milli Məclisin Səhiyyə komitəsinin sədr müavini Rəşad Mahmudov deyib.

R.Mahmudov bildirib ki, hazırkı durumda peyvənd çıxış üçün yeganə vasitədir.

O qeyd edib ki, yoluxmanın günlük sayının bu qədər çox artması və bununla belə, ətrafımızda, analiz verməsələr belə çoxlu qripal, üst-tənəffüs infeksiyalı insanların olması bir daha bizi daha ehtiyatlı olmağa məcbur edir.

“Bunlar içərisində də ən əsası preventiv tədbirlərə əməl etmək, onları gündəlik həyatımızda tətbiq etmək məsuliyyəti daşıyırıq, çünki nəzarətdən çıxa biləcək vəziyyətlər ölkənin səhiyyə sisteminə və eləcə də bütün qurumların işinə mənfi təsir etmə ehtimalı var”, - deyə R.Mahmudov əlavə edib.