Vətən müharibəsi şəhidlərinin xatirəsinə həsr olunan yeniyetmələr arasında respublika turnirinin atletika üzrə Bakı şəhər zona yarışı keçirilib.

Bakı Şəhər Gənclər və İdman Baş İdarəsindən bildiriblər ki, Azərbaycan Dövlət Bədən Tərbiyəsi və İdman Akademiyasının stadionunda keçirilən yarışda paytaxtın 12 rayonu ilə yanaşı, Zəngilan və Şuşa rayonlarını təmsil edən komandalar da mübarizə aparıb.

Yarışdan əvvəl Vətən müharibəsi şəhidlərinin xatirəsi bir dəqiqəlik sükutla yad olunub, Azərbaycan Respublikasının Dövlət Himni səslənib.

Gərgin idman mübarizəsi şəraitində keçən yarışda Nərimanov rayonunun komandası qalib gəlib. Xətai və Xəzər rayonlarının təmsilçiləri müvafiq olaraq birinci və ikinci olublar.

Zona yarışlarında ilk iki yeri tutan komandalar final mərhələsinə vəsiqə qazanıblar.

Mükafatçılara Bakı Şəhər Gənclər və İdman Baş İdarəsi tərəfindən diplomlar təqdim edilib.