Türkiyə hökuməti: Paşinyanın Azərbaycan və Türkiyənin ünvanına səsləndirdiyi bəyanatlar dünya ictimaiyyətini aldatmaq cəhdidir

 

 

Türkiyə hökuməti: Paşinyanın Azərbaycan və Türkiyənin ünvanına səsləndirdiyi bəyanatlar dünya ictimaiyyətini aldatmaq cəhdidir

Ermənistanın baş naziri Nikol Paşinyanın BMT Baş Assambleyasının 75-ci sessiyasında Azərbaycan və Türkiyənin ünvanına səsləndirdiyi bəyanatlar dünya ictimaiyyətini aldatmaq cəhdidir.

Bu barədə Türkiyə hökumətindən bildiriblər.

Qeyd olunub ki, bütün dünya Ermənistanda dərin daxili siyasi böhranın yaşandığını bilir və o, dünya ictimaiyyətini aldatmaq üçün BMT tribunasından istifadə etdi:

"Amma Paşinyanın dünya ictimaiyyətini Türkiyə və Azərbaycan barədə əsassız bəyanatlarla aldatmaq cəhdləri uğursuzluğa məhkumdur. Cənubi Qafqazda problemlərin əsas səbəbi məhz Ermənistandır. Azərbaycan Ermənistan tərəfindən təcavüzə məruz qalmış ölkə kimi öz ərazilərini azad etmək hüququna malikdir. Paşinyanın Dağlıq Qarabağ münaqişəsinin hərbi yolla həllinin olmadığı barədə bəyanatına gəldikdə isə, bu məsələdə qərarı Azərbaycan verir. Türkiyə Azərbaycanın əsas müttəfiqi kimi qəbul edilən qərardan asılı olmayaraq onu hər zaman dəstəkləyəcək".
2020-09-26 / 12:55
Facebook