“EKMO aparatına qoşulduğum vaxt heç nə xatırlamırdım, sanki rəngli filmlər görürdüm”.

Bunu “Planet Parni iz Baku” KVN teatrının aktyoru, əməkdar artist Bəhram Bağırzadə deyib.

O, bu gün Tahir İmanovla canlı yayım zamanı xəstəxanada yatdığı dönəmdən danışıb:

Komada olduğum müddətdə filmlər görürdüm. Özü də rəngli. Ən pisi ayıldıqdan sonrakı 4-5 gündür. Adam heç nə xatırlamır, nə baş verdiyini, burda niyə olduğunu başa düşmür. Çox qəmgin olursan. İki həftəyədək belə danışa bilmirdim. İndi isə şükür Allaha, danışmağımda da heç bir problem qalmayıb. Dövlət Gömrük Hospitalının mənim üçün əlindən gələni edən bütün tibb işçilərinə təşəkkürümü bildirirəm”.