Təhsil Nazirliyi dünən koronavirusdan həyatını itirmiş Bakı Dövlət Universitetinin müəllimi Naqif Nəbiyev haqqında məlumat yayıb.

Ölkənin təhsil ictimaiyyətinə ağır itkinin üz verdiyini qeyd edən qurum mərhumun ailəsinə başsağlığı verib:

Naqif Nəbiyev nanostrukturların kvant kimyəvi hesablamaları sahəsində dünya səviyyəli tanınmış mütəxəssis, Azərbaycan olimpiada hərəkatının bayraqdarlarından biri olub. Naqif Nəbiyevin saysız istedadlı gənclərin yetişməsində böyük rolu olub. Təhsil Nazirliyinin rəhbərliyi və kollektivi mərhumun vəfatından kədərləndiyini bildirir, ailəsinə dərin hüznlə başsağlığı verir. Allah rəhmət eləsin!”