“Koronavirusun yayılmasının qarşısı alınana qədər xəstəlik həyatımızda olmağa davam edəcək. Ona görə də virusla yaşamağa öyrəşmək lazımdır”.

Bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı deyib.

ÜST rəsmisi qeyd edib ki, qarşıda hələ uzun yol var: “Xoşumuza gəlməyən və alışqın olmadığımız, hətta bizə çətin olan işləri etmək məcburiyyətində qalacağımız aylar var. Çünki bunun başqa və hər hansı qısa yolu yoxdur. Hamı fiziki məsafəni qorumalı, əlləri yumalı, qoruyucu tibb maskadan istifadə etməlidir. Tibb işçiləri isə test və izolyasiya etməli, xəstənin təmasda olduqları insanları müəyyən etməli və onları karantinaya almalıdır. Ancaq bu şəkildə özümüzü və sevdiklərimizi qoruya bilərik”.