Milli Məclis sədrinin müavini Adil Əliyev imkanlı şəxslərə, iş adamlarına çağırış edib.

 A.Əliyev özünün “Facebook” hesabında yazıb ki, sosial zərflər hazırlanıb paylanana qədər iş adamları vətəndaşların yanında olmalıdır, onlara mənəvi dəstək verməlidirlər.

Vitse-spiker bütün vətəndaşları dövlətin koronavirus infeksiyasının yayılmasının qarşısını almaq üçün verdiyi qərarlara əməl etməyə səsləyib.

“Hesab edirəm ki, əgər biz karantin vəziyyətinin aylarla uzanmasını istəmiriksə, bu günə qədər pandemiyadan canını tapşıranlarla kifayətlənmək istəyiriksə, onda hamılıqla “evdə qal” kampaniyasına qoşulmalıyıq.

Sosial təcridetmənin virusun qarşısını almaq üçün, cəmiyyəti, insanları xilas etmək üçün ən doğru yollardan biri olduğunu nəzərə almalıyıq və əməl etməliyik”, - deyə A.Əliyev bildirib.