Bu gün İndoneziya komandası ilə qarşılaşdıq. Gərgin mübarizə şəraitində keçən oyunda rəqib komandanı 15:7 hesabı ilə məğlub edə bildik.

Bunu müsahibəsində mayın 16-da su polosu yarışının ilk oyununda İndoneziya komandasına qalib gələn İran millisinin kapitanı Ali Pıroskhan söyləyib.

Türkiyə millisinin çox güclü olduğunu deyən iranlı idmançı finalda rəqiblərinə qalib gələcəklərinə əminliyini ifadə edib. O deyib: "Türkiyə yığması bundan əvvəlki qarşılaşmalarda gözəl oyun nümayiş etdirərək iki dəfə qalib olub. Sabah final oyunu keçiriləcək. Rəqibimiz olduqca təcrübəlidir. Buna baxmayaraq yarışda qızıl medal qazanacağımıza inanıram".