ABŞ Hərbi Hava Qüvvələrinin Böyük Britaniyadakı hərbi bazaları üzərində naməlum PUA-lar görünüb.

“The Times” qəzeti bu barədə ABŞ Hərbi Hava Qüvvələrinin Avropadakı komandanlığının nümayəndəsinə istinadla məlumat yayıb.

Onun sözlərinə görə, noyabrın 20-dən bəri Saffolk qraflığında yerləşən “Lakenheath” və “Mildenhall”, həmçinin Norfolk qraflığındakı “Feltwell” və Qlosterşir qraflığındakı “Fairford” bazaları üzərində kiçik pilotsuz uçuş aparatları görünüb.

Noyabrın 26-da ABŞ-ın hərbi bazalarına PUA-ları aşkar edə, izləyə və zərərsizləşdirə bilən dron əleyhinə sistemlər və onları idarə edəcək onlarla britaniyalı ekspert yerləşdirilib.