Ukrayna Qara dənizdə Rusiyanın hərbi desant gəmisini vurub
![](../../uploads2/2024/fevral/428158132_798989398924008_2063027142388675105_n.jpg)
Ukrayna Silahlı Qüvvələri və Baş Kəşfiyyat İdarəsi Qara dənizdə Rusiyanın “Sezar Kunikov” hərbi desant gəmisini vurub.
Bu barədə Ukrayna Silahlı Qüvvələri Baş Qərargahı məlumat yayıb.
Bildirilib ki, hadisə fevralın 14-də səhər saatlarında olub.
Rusiya Müdafiə Nazirliyi isə Belqorodda iki, Voronejdə bir, Qara dənizdə isə Ukraynanın altı PUA-sını məhv etdiklərinə dair məlumat yayıb.
Krımda yerli sakinlər iddia ediblər ki, gəmidə həyəcan siqnalı verilib, bundan sonra partlayış başlayıb, ərazidən qatı tüstü yayılıb.
“Sezar Kunikov” gəmisi 1986-cı il sentyabrın 30-da istismara buraxılıb. Gəminin uzunluğu 112,5 m, eni 15 m., heyət üzvlərinin sayı 87 nəfərdir.
“Sezar Kunikov” 2008-ci ilin avqustun 10-da gəmi Gürcüstanda gedən müharibə zamanı Qara dəniz donanmasının döyüşlərində iştirak edib.
2024-02-14 / 16:50