Mayın 5-də Dövlət Film Fondunda ulu öndər Heydər Əliyevin anadan olmasının 94-cü ildönümünə həsr edilmiş “Heydər Əliyev və Azərbaycan kinosu” mövzusunda elmi-nəzəri konfrans keçiriləcək.

Tədbir Mədəniyyət və Turizm Nazirliyi, Azərbaycan Respublikası Kinematoqrafçılar İttifaqı və C.Cabbarlı adına “Azərbaycanfilm” kinostudiyasının birgə dəstəyi ilə gerçəkləşəcək.

Respublikanın tanınmış mədəniyyət və incəsənət xadimlərinin iştirak edəcəyi konfransda müvafiq mövzuda məruzələr dinləniləcək, maraq doğuran suallar ətrafında fikir mübadiləsi aparılacaq.