Bakı Şəhər Mədəniyyət və Turizm Baş İdarəsinin M.Ə.Sabir adına Bülbülə qəsəbə Mədəniyyət evi, 3 nömrəli incəsənət musiqi məktəbi və Suraxanı rayon MKS-nin Mərkəzi Kitabxanası ilə birgə 140 nömrəli tam orta məktəbdə şeir, qəzəl və hekayə müsabiqəsi keçirilib.

Mədəniyyət evindən bildirilib ki, müsabiqə ulu öndər Heydər Əliyevin anadan olmasının 94 illiyi ilə əlaqədar təşkil olunub. İlk olaraq, tədbir konsert proqramı ilə başlayıb. Müsabiqədə qəsəbənin 84, 85, 87, 89, 140, 208 və 232 nömrəli tam orta məktəbin şagird və müəllim kollektivi iştirak edib.

Tədbirdə ulu öndər Heydər Əliyevin həyat və fəaliyyətini əks etdirən videogörüntü nümayiş olunub. Şagirdlərin ifasında Ümummilli Liderə həsr edilmiş şeirlər təqdim olunub.

Sonda fərqlənən qaliblər diplomlarla təltif ediliblər.