Nuranənin anası Aynur Hüseynova bildirib ki, qızı sınaq imtahanlarında 600-dən çox bal yığıb.

“Ailədə 3 uşaqdırlar. Nuranə ikinci övladımdır. Böyük bacısı Tibb Universitetinin Müalicə işi fakültəsində təhsil alır. Qardaşı isə səkkizinci sinifdə oxuyur. Həyat yoldaşım Rusiyada işləyir. Mən isə məktəbdə laborant işləyirəm. Nuranəni internat məktəbinə müəllimləri tanıdığımıza görə qoymuşduq. Orada təhsil yüksək səviyyədədir. Qızım çox oxuyurdu, çalışırdı, axır ki, istəyinə çatdı”, - deyə A.Hüseynova vurğulayıb.

Qeyd edək ki, 2018-2019-cu tədris ili üzrə qəbul imtahanlarında 600-dən yuxarı bal toplayan 11 abituriyent internat tipli təhsil müəssisələrindən məzun olublar.