İstanbulda Sabiha Gökçen Hava limanında eniş zolağından çıxaraq bir neçə hissəyə parçalanan sərnişin təyyarəsinin sərnişinləri arasında Azərbaycan vətəndaşı da olub.

Bildirlib ki, təyyarədə ümumilikdə 171 sərnişin və 6 ekipaj üzvü var imiş. Onlardan çoxu Türkiyə vətəndaşıdır.

Sərnişinlər arasında həmçinin dörd ABŞ, bir Azərbaycan, bir Türkmənistan və bir Qazaxıstan vətəndaşı olub.

Qeyd edək ki, yanvarın 5-də İzmir-İstanbul reysini həyata keçirən “Pegasus” şirkətinə aid sərnişin təyyarəsi Sabiha Gökçen hava limanına enərkən eniş zolağından çıxaraq parçalara ayrılıb. Hadisə nəticəsində 1 nəfər ölüb,139 nəfər xəsarət alıb.