Bu gün futbol üzrə UEFA Çempionlar Liqası ilə paralel Gənclər Liqasına da start veriləcək.
Qrup mərhələsinin ilk turunda 16 görüş keçiriləcək.
Bu matçlar Azərbaycan çempionu “Qarabağ”ın U-19 komandasının debütü ilə əlamətdar olacaq. Tarixdə ilk dəfə Azərbaycan təmsilçisi Gənclər Liqasında mübarizə aparacaq.
Ağdam təmsilçisi İngiltərənin “Çelsi” klubu ilə qarşılaşacaq. Matç “Çelsi”nin Surreydəki təlim-məşq bazasında oynanılacaq.
Görüş Bakı vaxtı ilə 16:05-də başlayacaq.